O Estado oculto - Repositorio Institucional da USC - Universidade ...

A conferencia episcopal 590
Gutiérrez (1987, 235) sinala que os textos conciliares configuran a conferencia
episcopal “como una reunión en la que prevalece el intercambio de opiniones y
de experiencias, aunque podrán también adoptarse decisiones de carácter
jurídico”. Nos canons 447 a 459 do Código de dereito canónico regúlase a
conferencia episcopal, que basicamente ten unha función de coordinación
“pastoral”. Souto Paz (1995 3 , 285) especifica que a conferencia episcopal ten
“como misión primordial la adopción de posturas comunes ante temas de
interés nacional”.
Por regra xeral é a asemblea episcopal da igrexa nacional, e está
integrada, entre outros, polos bispos diocesanos. Conta con estatutos de seu
(revisados pola Santa Sé) e cunha estrutura orgánica permanente –asemblea
plenaria, comisión permanente e secretaría xeral–, e está dirixida por un
presidente. A conferencia episcopal pode emitir decretos xerais con forza de lei
(similares aos decretos-lei no ordenamento xurídico español) sempre que o
faga dentro do seu ámbito competencial, que a decisión sexa adoptada pola
asemblea plenaria por unha maioría de dous terzos dos bispos con dereito a
voto deliberativo (os diocesanos, os equiparados aos diocesanos, os
coadxutores e, se así se prevé nos estatutos, os auxiliares e os demais
titulares) e que sexa revisado pola Santa Sé. 591 Segundo Gutiérrez (1987, 248-
253), a conferencia episcopal recibe a súa potestade do papa mediante
desconcentración, e as súas decisións dotadas de forza xurídica obrigatoria
deben ser cumpridas nas dioceses, mentres que nos demais casos serán os
bispos os que decidan individualmente 592 .
Nós entendemos que as conferencias episcopais actúan, (a) como
acabamos de ver, por desconcentración do poder papal, pero tamén (b) en
exercicio dun ámbito competencial que lles confire unha autonomía limitada,
que deriva a maiores da autonomía da que, como veremos infra, gozan os
propios bispos que integran as conferencias.
Os documentos doutrinais emanados da conferencia episcopal non
teñen forza de obrigar pero, unha vez publicados –sempre que reúnan os
requisitos que deben reunir os decretos xerais– poden ter un impacto
363