O Estado oculto - Repositorio Institucional da USC - Universidade ...

católica como “actos de pura arbitrariedad inquisitorial e impropios de una
sociedad abierta, cometidos por las autoridades representativas del culto
religioso católico”, para despois constatar con sorpresa que o Tribunal
Constitucional avala este “omnímodo poder” dos bispos que converte a igrexa
católica nun “cómodo empresario”. Segundo Carrillo, o Tribunal Constitucional
acepta que o profesor da materia de relixión católica, cuxa actividade
extradocente pode ser avaliada polo bispo para emitir o seu xuízo de
idoneidade, se conciba como “mitad monje y mitad soldado”, o que sería
discriminatorio verbo do resto do profesorado. Deste xeito, a “condición
aconfesional del Estado deviene pura falacia y la Constitución como norma
suprema queda devaluada”. Pradera (2007a), cunha notábel clarividencia,
opina que a catequese católica –“impartida bajo el nombre de asignatura de
religión”– se beneficia dunha “densa trama de privilegios económicos
financiados con fondos presupuestarios” cuxo alicerce normativo é un “tratado
entre dos Estados [...] que no puede ser ignorado mientras siga vigente”. 1217
Desde o noso punto de vista é lexítimo pretender que a corporatización
da función pública relixiosa –coa súa deriva no campo educativo– se
desinstitucionalice a través da denuncia dos acordos concordatarios de 1979.
Pero propugnar unha laicización do ámbito público non debería empecer o rigor
na análise do statu quo. O modelo español de relacións entre o Estado e a
igrexa católica permítelle a esta corporación utilizar os centros públicos de
ensino para realizar un labor de proselitismo financiado con cargo ao erario
público. Como xa apuntamos supra, as persoas encargadas de implementar in
situ esta actividade benefícianse persoalmente do mecanismo legal de
cooptación que lles permite ocupar un posto de traballo como docentes
sorteando a vía ordinaria de acceso por oposición, polo que resulta
incoherente, desde o punto de vista do modelo, que a desconfianza do bispo e
a conseguinte perda do emprego se interprete, agora si, como un caso de
discriminación. O Tribunal Constitucional comprendeu perfectamente as moi
confesionais peculiaridades da aconfesionalidade española.
660