O Estado oculto - Repositorio Institucional da USC - Universidade ...

dirixida á implementación da súa tarefa de proselitismo universal da fe católica.
O goberno eclesiástico reside na cúpula curial –o papa en primeiro lugar, e logo
os bispos– e constitúe un monopolio estrito de poder caracterizado, entre outros
elementos, pola definición de dogmas, a formulación de normas maxistrais, o
exercicio ilimitado de xurisdición, a imposición de sancións e de condenas, a
soberanía fiscal e financeira para xestionar o seu patrimonio, a conformación das
conciencias, tanto dos gobernantes políticos como dos gobernados, e as
prácticas de coacción ou de intimidación das persoas polo medo ou pola
ameaza. O papa é o titular da única monarquía absoluta sen ningún xénero de
limitacións formais ou corporativas que se deu na historia universal sen
interrupción no decurso de case dous milenios. En España, a maiores, a igrexa
católica, como axente dos intereses da clase dominante, definiu o tecido
ideolóxico que sostivo até os nosos días o persistente sistema de dominación
político-relixiosa.
A simbiose igrexa-Estado na ditadura franquista
Se a igrexa católica adoptou unha postura moi radical durante a Guerra Civil –
que explica a brutalidade do conflito, sen parangón naquela época– foi porque
entendera a instauración da II República Española como unha operación dirixida
a imposibilitar o mantemento da súa posición central no novo campo político
laico. A igrexa española –integrista e superpapista– exercía un control social –a
través das súas institucións, do sistema de ensino e no adoutrinamento da
mocidade– que só podía ser desmantelado polo poder político, o que explica que
se implicase totalmente no proceso de maduración e no propio estoupido da
guerra, inducindo á conspiración os sectores da ultradereita social e económica
–banqueiros, profesionais liberais, xornalistas, etc.– e achegando un apoio social
vital para os rebeldes. Botou man de todos os seus recursos de modelación das
conciencias para contribuír dun xeito decisivo á creación dun estado de opinión
antirrepublicano e progolpista. De feito, a rebelión militar contra o réxime
constitucional republicano foi inmediatamente aplaudida pola igrexa católica. Xa
nos primeiros días da guerra, a xerarquía eclesiástica recorreu ao termo cruzada
455