O Estado oculto - Repositorio Institucional da USC - Universidade ...

ou afíns, etc.– 1123 débese ao atrincheiramento institucional dos seus arranxos
corporatistas, que lle abren un amplo espazo de oportunidades ao que Díaz-
Salazar Martín (2008b, 141) chama o bloque católico:
El bloque católico defiende un proyecto unitario, diseñado básicamente por la
autoridad jerárquica de la institución, y está formado por cuatro sectores: a)
intelectuales orgánicos de la jerarquía (teólogos, pensadores laicos católicos,
periodistas, jueces y magistrados); b) organizaciones de masas católicas (Concapa,
Camino Neocatecumenal, Legionarios de Cristo, Focolares, E-cristians, Comunión y
Liberación, Opus Dei, ACdP, etc.); c) medios de comunicación social (COPE, ABC, La
Razón, revistas católicas y medios de información diocesanos); d) partidos políticos de
inspiración católica con estrecha relación con la jerarquía eclesiástica. 1124
O custo político que para un goberno terían unha reforma constitucional
ou a denuncia dos acordos coa Santa Sé de 1979 –que Díaz Moreno (2006,
46), desde unha perspectiva católica, chega a cualificar de co-constitucionais–
é extraordinariamente elevado, o que marca o límite do control que o Estado
pode exercer sobre a corporación católica. Cuadra (2007) afirma que a
“configuración de nuestro Estado social y democrático de derecho como
plenamente laico es una exigencia del sistema político que nos dimos en 1978”,
Manuel Delgado Ruiz (2006) sostén que “los acuerdos con la Santa Sede de
1979 [...] infringen nuestro ordenamiento constitucional”, Puente Ojea (2007a)
cre que “los convenios con la Santa Sede [...] son anticonstitucionales” e Sotelo
(2007b) entende que os acordos de 1979 “aprovecharon ampliamente el
resquicio del artículo 16” da Constitución, cuxa letra e cuxo espírito non
amparan os privilexios da igrexa católica. Certamente, estes autores están a
expresar un desideratum ideoloxicamente lexítimo, pero baseado sobre unha
suposta esixencia do réxime político español que, de feito, non existe. A
Constitución e os acordos de 1979 son politicamente indisociábeis, xa que
foron negociados en paralelo –moi ao estilo do segundo circuito de
representación funcional que puidemos estudar no capítulo 10– 1125 para
solidificar a institucionalización da función relixiosa do Estado. De acordo co
que puidemos ver no mesmo capítulo 10 con Alemann e Heinze (1981, 45, 57-
58 e 60), a conexión permanente entre o Estado e a corporación católica
624