O Estado oculto - Repositorio Institucional da USC - Universidade ...

por unha comunidade científica particular, durante unha época, como o alicerce
da súa práctica posterior– resístese a miúdo a incorporar innovacións
fundamentais, porque só poden ser subversivas para os seus compromisos
básicos. 98 Porén, pode chegar o momento no que a profesión xa non pode
ignorar as anomalías que subvirten a tradición científica existente; e este
momento é unha revolución científica. Prodúcese o cambio de paradigma 99 , un
episodio extraordinario no que teñen lugar mutacións de compromisos
profesionais que producen unha nova base para a práctica da ciencia, é dicir,
mudan as regras que rexían a práctica anterior da ciencia normal. Mentres ese
momento non chega, é posíbel que un paradigma conduza a comunidade ao
illamento verbo de problemas sociais importantes, que non poden enunciarse
coas ferramentas conceptuais e instrumentais do paradigma. En definitiva,
mentres a investigación científica normal procura a articulación dos fenómenos
e das teorías xa proporcionados polo paradigma, o patrón usual de
desenvolvemento dunha teoría madura é precisamente a transición sucesiva
dun paradigma a outro por medio dunha revolución. 100
A elección entre paradigmas en competencia equivale á elección entre
modos incompatíbeis de vida da comunidade. 101 A competencia entre
paradigmas non pode resolverse por medio de probas, é dicir, dado que
ningunha comunidade vai dar por sentadas as suposicións non empíricas que a
outra comunidade precisa para poder desenvolver os seus argumentos,
ningunha comunidade pode aspirar a probar os seus argumentos, a convencer
a outra do seu modo de entender a ciencia. De aí que os debates sobre a
elección entre paradigmas sexan circulares, porque, para defender o seu
paradigma –a súa norma suprema–, cada comunidade utiliza precisamente os
argumentos do seu propio paradigma. 102
Así que quen ten que optar entre varios paradigmas non pode tomar
proba ningunha como base da súa decisión. Esta decisión por un paradigma
determinado é, de feito, unha cuestión de fe: as partes intentan converterse
mutuamente mediante a persuasión. 103 E é que as persoas que propoñen os
paradigmas en competencia practican as súas profesións en mundos
diferentes, o que as leva a ver cousas diferentes aínda que miren na mesma
75