O Estado oculto - Repositorio Institucional da USC - Universidade ...

Os poderes públicos garanten o dereito que asiste os pais para que seus fillos
reciban a formación relixiosa e moral que estea de acordo coas súas propias
conviccións. 1175
Desde unha perspectiva xurídica, Souto Paz (1995 3 , 178-179 e 306-308,
e 1999, 458-461 e 467-471) introduce a produtiva diferenciación entre os
chamados dereitos-liberdade e os chamados dereitos-prestación. Neste caso, e
de acordo co dereito internacional 1176 e co previsto no artigo 27.3 da
Constitución, os poderes públicos só teñen que garantir un dereito-liberdade,
non un dereito-prestación. Polo tanto, e como subliñaremos infra, neste mesmo
capítulo, os pais non teñen constitucionalmente o dereito a que nos centros
públicos se imparta a educación moral e relixiosa que prefiran para seus fillos.
Porén, o Estado, amosando a súa vontade de promover o feito relixioso,
asumiu a maiores, no acordo do 3 de xaneiro de 1979 entre o Estado español e
a Santa Sé sobre ensino e asuntos culturais, o compromiso de satisfacer a
prestación necesaria para facer efectivo este dereito-liberdade. Polo tanto, o
dereito-prestación ao ensino relixioso non é esixíbel sobre unha base
constitucional, senón que nace co artigo II do 3 de xaneiro de 1979 sobre
ensino e asuntos culturais, que crea o servizo público de ensinanza da relixión
católica: o dereito dos pais a elixiren a formación religiosa amplíase co dereito
a esixiren que seus fillos reciban esa formación. No artigo II do acordo, polo
tanto, é onde a ensinanza da materia de relixión católica se atopa
xuridicamente recoñecida:
Os plans educativos nos niveis de [actualmente educación infantil, primaria,
secundaria obrigatoria, bacharelato e ciclos formativos] correspondentes aos alumnos
das mesmas idades incluirán o ensino da relixión católica en todos os Centros de
educación, en condicións equiparábeis ás demais disciplinas fundamentais.
Por respecto á liberdade de conciencia, o devandito ensino non terá carácter
obrigatorio para os alumnos. Garántese, porén, o dereito a recibilo.
As autoridades académicas adoptarán as medidas oportunas para que o feito
de recibir ou de non recibir o ensino relixioso non supoña discriminación ningunha na
actividade escolar.
Nos niveis de ensino mencionados, as autoridades académicas
correspondentes permitirán que a xerarquía eclesiástica estabeleza, nas condicións
643