O Estado oculto - Repositorio Institucional da USC - Universidade ...

ecadado a través do sistema de asignación tributaria, que é gratuíto para o
contribuínte que opta por destinar unha parte da cota íntegra da súa
declaración do IRPF ao sostemento da igrexa. Polo demais, é extremadamente
difícil determinar o importe global que recibe a corporación católica a través de
transferencias e de beneficios fiscais. No campo educativo, o arranxo
corporatista entre o Estado e a igrexa católica plásmase nun intercambio de
recursos: o Estado contén o seu gasto en materia educativa e a igrexa católica
controla parcialmente o ensino non universitario. Os centros privados católicos,
dos que a igrexa non disimula a súa condición de instrumentos para a
actividade proselitista, superan os públicos na súa eficiencia á hora de recrutar
alumnado e, aínda que se benefician dun importante apoio orzamentario
público, tamén lles aforran ás administracións educativas, de acordo coa lóxica
dos arranxos corporatistas, unha parte do orzamento que terían que prever se
todo o alumnado se escolarizase en centros de titularidade pública. En España,
polo tanto, existe unha corporación que participa na formulación e na
implementación de certas políticas públicas sectoriais que son competencia
dos poderes públicos, en aplicación da autorregulación colectiva que distingue
os arranxos mesocorporatistas.
Os centros de ensino públicos preuniversitarios teñen que ofrecer a
relixión católica como unha materia ordinaria pero non obrigatoria para o
alumnado. A materia está baixo o control total da corporación católica, tanto no
relativo aos seus contidos como no relativo ao persoal docente que a imparte.
Para previr unha eventual desincentivación dos alumnos potencialmente
interesados en matricularse na materia de relixión católica, o alumnado que
non cursa esta materia está na obriga de recibir atención educativa no centro
(dado que actualmente non ten que matricularse nunha alternativa). Unha vez
cooptados pola corporación católica en función da súa idoneidade profesional e
persoal, os docentes da materia de relixión católica son contratados polas
administracións educativas para o curso académico. A perda da súa
idoneidade, cuxa apreciación depende en exclusiva do xuízo relixioso da igrexa
católica, trae consigo a non renovación da habilitación anual, e, polo tanto, a
imposibilidade de acceder a un emprego público mediante un contrato laboral.
O arranxo corporatista entre o Estado e a igrexa católica ten tamén numerosas
696