O Estado oculto - Repositorio Institucional da USC - Universidade ...

expectativas particulares, aínda que tampouco lle era allea a ninguén. A
estabilidade das institucións non se debeu á súa eficiencia, senón ao feito de
que, dada a distribución do poder de negociación entre os actores políticos, a
ningún lle compensaba promover cambios nas regras de xogo.
Estes son os principais puntos tratados neste capítulo:
• O sistema franquista de dominación de clase responde ao modo ibérico-
latino de abordar os procesos de modernización cando son ineludíbeis ou
convenientes, e consiste na incorporación selectiva e gradual dos
elementos considerados útiles e no rexeitamento daqueles que cuestionan
o statu quo, é dicir, a esencia do modelo socio-institucional orgánico-
corporativo. Aínda que fundamentalmente preocupado pola autoridade e
pola xerarquía, o réxime despótico franquista renuncia ao fascismo como
fonte de lexitimación e induce, a partir do final dos anos cincuenta, un
extraordinario desenvolvemento económico que sitúa España nunha
posición central no sistema capitalista.
• A entrada no campo político franquista de novos axentes provoca un
aumento da conflitividade e unha profunda crise do sistema corporativo. O
fallo dos mecanismos tradicionais de adaptación desemboca na transición
política, durante a cal o corporatismo de Estado franquista se adapta ás
esixencias da economía oligopolística, multinacional e corporativa. Esta
adaptación está estruturalmente determinada pola economía capitalista, o
actual sistema histórico. É dicir, ten lugar un cambio de réxime, non unha
mutación sistémica. Os autores do cambio, as elites representativas dos
diferentes intereses colectivos que pretenden sobrevivir, levan a cabo dun
xeito consensuado a autotransformación do franquismo nun sistema
corporatista dotado dunha orde política pluralista dentro das coordenadas
estruturais do sistema histórico e baixo unha forte presión exterior.
• O proceso real de transición é o período comprendido entre o final do
Concilio Vaticano II, que marca o inicio do proceso de disolución do réxime
despótico, e o estabelecemento da democracia, que pode considerarse
501