O Estado oculto - Repositorio Institucional da USC - Universidade ...

triunfo da alternativa reformista se verificou unha síntese entre ruptura e
reforma: desapareceu o réxime franquista pero permaneceron as institucións
do Estado, que se reformaron. 802
As eleccións ás Cortes do 15 de xuño de 1977
As negociacións entre o Goberno de España e a oposición conduciron,
segundo Morodo (1984, 155-168 e 187-199) aos seguintes resultados: (a) A
lexitimación indirecta da coroa. A monarquía foi o punto de partida do
consenso; de feito, a forma de Estado nin sequera foi obxecto de grandes
debates, até o punto de que non se celebrou un referendo sobre esta
cuestión. 803 Con todo, puidéronse observar posicións políticas diferenciadas: os
nacionalistas vascos e cataláns máis radicais eran netamente republicanos, o
PSOE era republicano pero aceptaba a monarquía (republicanismo
testemuñal), e AP, UCD, PSP 804 , PCE 805 e outros (entre eles os nacionalistas
vascos e cataláns máis moderados) apoiaban a monarquía. Gómez Movellán
(1999, 38) observa criticamente que “el símbolo más expresivo de que la
Constitución del 78 no fue un acto radical de proclamación de la voluntad de la
Nación fue la imposición del régimen político, la Monarquía, antes de que
comenzara el proceso constituyente”. 806 (b) A non esixencia de
responsabilidades aos franquistas. (c) O recoñecemento de todas as forzas
políticas da oposición. (d) A elaboración dunha normativa electoral
consensuada.
O 9 de abril de 1977 produciuse a legalización do PCE, previamente
acordada entre o Goberno de España e a comisión negociadora (o momento
concreto da legalización quedou nas mans de Suárez). Os sectores máis
conservadores reaccionaron inmediatamente: Manuel Fraga Iribarne cualificou
a legalización de golpe de Estado, e o sorprendido exército, que fora
manipulado polo presidente do Goberno de España, reaccionou coa dimisión
do ministro da Mariña, o almirante Pita da Veiga, e cunha nota indignada do
Consejo Superior del Ejército. Pola contra, a igrexa católica non se pronunciou
oficialmente. 807 O 15 de xuño de 1977 –cando só transcorreran seis meses
495