O Estado oculto - Repositorio Institucional da USC - Universidade ...

precedente al nuevo régimen. Desde una perspectiva social, apareceía ligada a las
estructuras del poder económico e identificada con las clases pudientes. En ninguna
parte de Europa como en España aparecía la Iglesia tan ligada a la tradición, de tal
manera que la situación social no puede explicarse en términos de los conflictos
comunes a Europa, sino precisamente bajo el prisma de la influencia de una Iglesia que
actuaba, incluso, como aparato ideológico del Estado a través de la atribución en
exclusiva de la educación.
Malia o razoábel e necesario propósito constitucional de estabelecer a
separación entre o Estado e a igrexa católica, non é sorprendente que a
polarización política entre (a) un catolicismo reaccionario disposto a oporse
pola forza á República, e mais (b) as posturas anticlericais e as medidas
gobernamentais ofensivas para o catolicismo, desembocase nunha guerra civil
(de feito, “otra guerra carlista más, la cuarta” 709 ). 710
Unha guerra santa: a Guerra Civil
Inicialmente, os militares golpistas non fixeron unha expresa profesión de fe
católica, nin buscaron motivacións relixiosas para a súa rebelión. De feito,
durante as primeiras semanas nin sequera mencionaron a igrexa católica nos
seus textos públicos. 711 Un discurso radiofónico do 1 de outubro móstranos un
Franco defensor do Estado aconfesional, moi afastado aínda do
nacionalcatolicismo que determinaría a súa acción política pouco despois: “El
Estado, sin ser confesional, concordará con la Iglesia católica, respetando la
tradición nacional y el sentimiento religioso de la inmensa mayoría de los
españoles, sin que ello signifique intromisión ni reste libertad para la dirección
de las funciones especificas del Estado”. 712 Non semella, polo tanto, que a
relixiosa fose a motivación principal da rebelión militar. Porén, os “generales
españoles fueron a la guerra y se encontraron metidos en una «cruzada»”. 713
A igrexa católica, que chegara até os anos trinta do século XX
abandeirando unha ideoloxía que Linz (1993, 3) cualifica de nacionalista e
reaccionaria, non semella que estivese directamente implicada no golpe de
Estado, 714 pero tomou partido moi axiña e moi activamente na Guerra Civil e
confirmou a valoración que dela fixera Azaña como o obstáculo principal para
433