O Estado oculto - Repositorio Institucional da USC - Universidade ...

O nivel internacional da estrutura corporativa da igrexa católica
A administración central
Lehmbruch (1984a, 68-69) observa que a estrutura organizativa óptima non é a
centralización xerárquica ríxida, senón unha estrutura que concentre no cumio
a autoridade suficiente para unha coordinación efectiva das actividades ao
tempo que lles conceda aos niveis organizativos inferiores unha certa
autonomía limitada. 529 En xeral, a democracia interna e mais a transparencia
das negociacións limitan fortemente as capacidades estratéxicas das
corporacións. De aí que as direccións corporativas reteñan o núcleo dos
recursos de poder, o que leva consigo unha certa opacidade dos procesos de
negociación e mais unha interpretación restritiva do principio de democracia
interna. 530 Marina García-Tuñón (2006) engade: “Es bien sabido que las
estructuras de las organizaciones deben adaptarse a las circunstancias y
coyunturas propias del tiempo y medio en el que actúan, hasta el punto de que
su grado o nivel de eficiencia en el ejercicio de las funciones que les son
propias, depende en gran medida de aquella adecuación”. 531 Desde o noso
punto de vista, a operatividade da maior organización supranacional do
mundo 532 depende, efectivamente, da súa capacidade de adaptación a un
medio, neste caso o planeta, no que se desenvolven máis de 4.500 bispos,
máis de 400.000 cregos e máis 1.100 millóns de crentes católicos (en aumento)
–un 17,2% da poboación mundial– 533 , por non falar dos centos de miles de
relixiosos non sacerdotes, membros de institutos seculares, misioneiros laicos
e catequistas.
Como indica Gómez Movellán (1999, 69), a “religión católica es muy
particular en cuanto a su forma de organización ya que es la única confesión
mundial que mantiene un Estado propio –el estado Vaticano– 534 que de alguna
forma representa el órgano central de la administración mundial del
catolicismo.” O cal, como engade Colonna-Cesari, lle confire á igrexa católica
unha capacidade de intervención que non posúe ningunha outra instancia
relixiosa, xa que pode facer oír a súa voz tanto no mundo laico como no mundo
344