O Estado oculto - Repositorio Institucional da USC - Universidade ...

Da representación á intermediación de intereses. O monopolio corporativo en
Schmitter
Para Williamson, a definición do corporatismo de Schmitter (1974, 93-94)
subliña o feito de que cada corporación ocupa unha posición de monopolio
representativo dentro do seu campo (ou esfera de influencia, por utilizarmos a
categoría do propio Williamson). Esta exclusión de organizacións
representativas alternativas anula a presunción pluralista de que as
corporacións están atentas aos intereses dos seus membros. De feito, o que se
produce é un cambio profundo, que vai da agregación de individuos á
organización: os individuos perden a súa capacidade de identificar os seus
intereses, que lles veñen “dados” por unhas corporacións dotadas de recursos
públicos. Este monopolio corporativo que atopamos na definición de Schmitter,
e que remite a unha relación especial entre o Estado e as corporacións, vai ser
estudado por Offe (1981), quen, como veremos no capítulo 21, proporá o
concepto de estatuto público ou político para describir o fenómeno da
delegación de privilexios ás corporacións por parte das autoridades públicas.
Este fenómeno conduce a un aumento do grao de dependencia da corporación
verbo do Estado e a unha diminución, polo menos potencial, da dependencia
verbo dos seus membros. Na definición de Schmitter, a xerarquización alude
ao alto grao de especialización profesional das burocracias corporativas, 452 as
cales, en contacto estreito e regular coas burocracias públicas, se afastan dos
membros das corporacións, que acaban colocados nunha situación de
sometemento e de control. Isto explicaría o feito de que Schmitter comece,
como acabamos de ver, por caracterizar o corporatismo como un sistema de
representación de intereses, para, pouco tempo despois (Schmitter, 1981a, 66),
optar polo concepto de intermediación de intereses: a representación non dá
conta da posibilidade que teñen as corporacións de deformar os intereses dos
individuos. 453
En todo caso, cando Schmitter inicia a andaina da literatura corporatista,
o que lle interesa, como pon de relevo Williamson (1989, 10-11), é subliñar o
feito de que “a corporatist system is institutionally structured in a manner that
284