O Estado oculto - Repositorio Institucional da USC - Universidade ...

conceptuais, así como da insuficiencia dos seus alicerces empíricos e da
imposibilidade de xeneralizar determinadas estruturas concretas do sistema
económico, ou do sistema político, ou do sistema de intermediación de
intereses. Así, e como tantos outros autores que sinalan a inexistencia dunha
definición pacífica do corporatismo, 430 Kastendiek (1981, 96-97, 101 e 104-105)
constata que os economistas, os sociólogos e os politólogos abordan o
corporatismo con conceptos diferentes e amosando unha anárquica “división
do traballo” académico, até o punto de que o corporatismo é entendido como
(a) un sistema económico específico, máis alá do capitalismo e do socialismo,
(b) un sistema sui generis de intermediación de intereses sociais, máis alá do
pluralismo e do sindicalismo, (c) unha diferenciación estrutural e unha
especialización funcional do sistema político, ou (d) unha forma de Estado
concreta, contraposta, sobre todo, ao parlamentarismo. 431
Para Alemann e Heinze, o corporatismo é unha estratexia propia das
sociedades capitalistas avanzadas (ou postindustriais) que relaciona un feixe
de medios comúns con intereses e ideoloxías diverxentes. En contra do modelo
corporatista tripartito dominante –que só recoñece a representación do Estado,
do capital e do traballo–, estes autores afirman que os actores involucrados nas
redes corporativas son moitos máis: as asociacións agrarias, médicas,
ecoloxistas, etc. 432 Nisto coinciden con Parri (1987, 71) cando afirma: “The
essential feature is the presence of concertation and of the connected stable
political exchanges between public and private actors. Consequently, the
indicators of the presence of decisional and executive neo-corporatist
arrangements are all institutional realities which show a strong inter-penetration
between state and society, polity and economy, public and private”.
Seguindo a Alemann (1996, 9, 33 e 41) 433 , así como a Giner e Pérez
Yruela (1979, 13-14 434 , e 1988a, 27 435 ), propomos o seguinte cadro descritivo
das corporacións:
277