O Estado oculto - Repositorio Institucional da USC - Universidade ...

Parece como si, a un nivel profundo, la Iglesia católica española sintiese que continúa
teniendo una función excepcional que jugar, y que forma parte de la esencia de la
nación de tal modo que la hace diferente a cualquier otra institución. De aquí su
reticencia a ser tratada como cualquier otra Iglesia. Por otra parte, la prueba de los
hechos muestra que no es tratada de tal modo por las autoridades civiles y políticas.
(Giner e Sarasa Urdiola, 1993, 85.) 1062
Corporatizarse ou morrer: na procura dun corporatismo estábel
Eloxio corporatista do consenso
No capítulo 10 puidemos ver como as democracias se corporatizan cando as
súas políticas públicas se forman e se implementan mediante o recurso á
cooptación das corporacións. De feito, o que se dá é un intercambio recíproco,
institucionalizado, obrigatorio, regular e estábel 1063 de recursos políticos entre o
Estado e as corporacións, o que conduce a unha situación de dependencia
mutua. Cando o Estado corporatiza unha parte das súas funcións, as
corporacións –a igrexa católica, por exemplo– conseguen un acceso
privilexiado aos procesos públicos de toma de decisións, é dicir, teñen a
práctica seguridade de poderen impor os seus intereses. Claro que, por
asumiren potestades delegadas do Estado, as corporacións pagan o prezo da
súa perda de autonomía: dado que actúan en beneficio do sistema 1064 ,
experimentan unha desprivatización funcional. 1065 Neste sentido, Offe (1981,
170 e 173) apunta que a institucionalización –é dicir, a asignación dun estatuto
político ás corporacións– ten dúas consecuencias: (a) os grupos obteñen
vantaxes e privilexios –é dicir, acceden ás posicións nas que se elaboran as
decisións gobernamentais– pero (b) teñen que aceptar limitacións e obrigas
restritivas –é dicir, quedan suxeitas a deberes tales como o de adoptar un
comportamento responsábel e previsíbel ou o de absterse de formular
demandas innegociábeis ou de utilizar tácticas inaceptábeis–. Obviamente,
esta institucionalización –ou, con outras palabras, o estatuto político que lle
permite a unha corporación acadar unha inmunidade relativa verbo dos seus
602