O Estado oculto - Repositorio Institucional da USC - Universidade ...

inmutábel.
• De maneira que os repertorios non poden imporse pola simple forza dos
seus argumentos. Neste sentido, unha concepción inmanentista da ciencia
social é inviábel.
• Porén, non podemos ignorar que os repertorios, no plano estritamente
científico, procuran resolver os problemas empíricos coa maior efectividade
posíbel e poden proporcionar recursos que permiten estudar feitos
previamente ignorados ou negados.
• O canon é o repertorio de referencia nun campo e está integrado polas
obras consideradas valiosas. Co canon, a comunidade de crentes busca
definirse e lexitimarse e mais asegurar a súa estabilidade e a súa
adaptabilidade.
• Na medida en que son as institucións públicas e mais os científicos sociais
situados en posicións de dominación os que levan a cabo a selección das
obras canónicas, o proceso de canonización revela a estreita conexión que
existe entre o canon e o poder.
• Polo tanto, a canonicidade non é nunca inherente á obra ou ao repertorio.
• O canon é conservador por necesidade –é dicir, favorece os valores
ideolóxicos dominantes e a perpetuación institucional das elites–, pero
depende das circunstancias históricas: os axentes que defenden modelos
non canonizados adoptan posicións subversivas de disensión académica e
aspiran a desprazar os modelos canonizados das súas posicións centrais.
89