O Estado oculto - Repositorio Institucional da USC - Universidade ...

deternos brevemente nas institucións políticas, culturais e económicas propias
da instrumentalización da fórmula política franquista.
As institucións da fachada político-xurídica
A fórmula política dos réximes despóticos necesita dotarse, de acordo con
Giner e Sevilla-Guzmán 660 , dun sistema institucional aparentemente xusto e
participativo, así como dunha lexitimación do seu sistema de pensamento. No
caso do réxime franquista, as institucións da fachada política –as Cortes, o
Consejo Nacional del Movimiento, o Consejo del Reino, etc.–, pretendían
representar os intereses populares pero estaban totalmente controladas pola
xefatura e representaban os intereses dos grupos hexemónicos. Estas
institucións carecían de toda autonomía verbo das clases dominantes, como
demostrou a súa desaparición co afundimento do réxime. Tamén a
administración de xustiza –o conxunto das institucións-fachada de carácter
xudicial– desenvolvía a súa actividade cun alto grao de mediatización
ideolóxica.
Os piares burocráticos
Se a clase política dos réximes despóticos se nutre normalmente das
organizacións administrativas e profesionais sobre as que se basea o
pluralismo de clase, era de esperar que, no réxime despótico español, o único
pluralismo de clase autorizado se manifestase (a) na administración central do
Estado, nos organismos autónomos, na administración local, na organización
sindical, etc., e tamén (b) nas organizacións independentes da administración,
como os corpos profesionais de avogados, enxeñeiros de camiños, agrónomos,
industriais, etc. 661
401