O Estado oculto - Repositorio Institucional da USC - Universidade ...

• Tanto a centralización xerárquica ríxida como a democracia interna ou a
transparencia eivan a capacidade de adaptación e reducen así as
expectativas estratéxicas das corporacións. A igrexa católica, pola contra, é
extraordinariamente operativa no actual contexto globalizado porque é quen
de combinar dun xeito óptimo, por unha banda, un goberno corporativo
ideoloxicamente cohesionado e dotado da suficiente autoridade para
coordinar imperativa e eficazmente as actividades, e, por outra banda, uns
chanzos intermedios e nacionais que levan a cabo as súas funcións, ou ben
dun xeito desconcentrado, ou ben dun xeito autónomo.
• Como as oligarquías corporativas en xeral, o papa, a Curia e os bispos –a
xerarquía da igrexa católica– tenden a limitar a democracia interna e a
transparencia, pero non só para preservar a súa capacidade negociadora,
senón tamén para facilitar a instrumentalización da corporación a prol dos
seus intereses particulares.
• A católica é a única confesión mundial que ten recoñecida a súa
personalidade internacional –a través da Santa Sé–, que lle permite actuar no
campo do poder político internacional na defensa dos seus intereses.
Ademais, a Santa Sé é titular da soberanía sobre o Estado da Cidade do
Vaticano, onde reside a súa administración central.
• O papa é un monarca vitalicio e absoluto que, elixido pola oligarquía
corporativa, acumula na súa persoa os poderes lexislativo, executivo e
xudicial.
• A Curia, dirixida pola Secretaría de Estado, é o aparato de control ideolóxico
e informativo, de coordinación administrativa, de xestión financeira e
orzamentaria, de formación e xestión do persoal, de expansión e de política
internacional, no que o papa desconcentra o exercicio do seu poder e
asegura a coordinación efectiva das actividades corporativas.
• No nivel intermedio da organización corporativa católica atópase o legado
pontificio, que, funcionalmente dependente da Secretaría de Estado,
representa a Santa Sé ante as igrexas particulares, ante os Estados e ante
os organismos ou as conferencias internacionais, mantén relacións coa
conferencia episcopal e intervén no nomeamento dos bispos.
• No nivel nacional sitúase a conferencia episcopal. A súa función, que
368