O Estado oculto - Repositorio Institucional da USC - Universidade ...

Polo tanto, os réximes despótico-absolutistas, como o franquista,
permiten a miúdo a existencia de grupos con poder e influencia de seu, na
medida en que se consideran necesarios ou en que a súa supresión resulta
demasiado onerosa para o sistema. A aniquilación destes grupos só se
contempla en casos concretos, porque por regra xeral abonda co control da
súa vida privada e da súa autonomía. De feito, a dominación de clase exércese
esencialmente a través dos grupos cooptados polo réxime. En resumo:
El absolutismo despótico no pretende el control total de la sociedad civil, como sucede
con el absolutismo totalitario. Sin embargo sí pretende mediatizar todos los actos que él
considera pueden suponer una fuente de competencia política. Tan sólo mantiene un
control parcial en las esferas económica e ideológica, pero, por el contrario, el control
sobre el poder político real pretende ser absoluto. [...]
Ciertos sectores de la población gozan de una sensación de libertad que tiene efectos
objetivos muy importantes, en el sentido de que, fuera de la esfera política, España
[durante o tardofranquismo] puede llegar a ser definida como un país «donde hay
mucha libertad» [...]. Esta sensación de libertad está obviamente restringida a sectores
ocupacionales muy bien definidos. (Giner e Sevilla-Guzmán, 1975, 97.)
Neste punto, e remitíndonos ao apuntado no capítulo 4, debemos
introducir algúns matices de certa importancia da man de Navarro, que nos
afastan do modelo de Giner e Sevilla-Guzmán. En efecto, nós sostemos que
non podemos entender o réxime despótico liderado polo xeneral Franco sen a
súa esencial dimensión totalizante, que se plasmou no importantísimo
intervencionismo –social e ideolóxico– exercido a través da igrexa católica. O
réxime franquista pretendeu exercer un control total sobre a sociedade a través
do ensino, os medios de comunicación, a rede asociativa, etc. Cremos que
Giner e Sevilla-Guzmán aínda son moi debedores, neste punto, da tipoloxía
dos réximes políticos de Linz.
Os réximes non-democráticos. O despotismo reaccionario
Para explicar o segundo dos seus modelos, Giner e Sevilla-Guzmán (1980,
198-202) observan como no mundo contemporáneo aparecen unha gran
376